Казанның Аккош күлендә сәламәтлек мөмкинлекләре чикле кешеләр өчен пляж коляскалары була
Бу җәйдә Казанның аккош күлендә терәк-хәрәкәт аппараты тайпылышлары булган кешеләр өчен пляж коляскалары прокаты пункты ачылачак. Проект «Игелекле пляж» инициативасы кысаларында тормышка ашырыла. Барлыгы махсус алты коляска сатып алынган, алар инвалидлык турында белешмә булганда бирелә. Бу хакта эшлекле дүшәмбедә «Игелекле Казан» оешмасы директоры Татьяна Мерзлякова сөйләде.
Татьяна Мерзлякова сүзләренчә, бу шәһәрдә мондый форматтагы беренче тәҗрибә. Коляскаларның үзенчәлеге аларның конструкциясендә: алар комнан, чуерташтан һәм башка тигез булмаган япмалы өслекләрдән җиңел йөри.
Әлеге җиһазларны булдыру белән Казан параспортчысы Юрий Григорьевның әти-әнисе – Сергей һәм Марина Григорьевлар шөгыльләнә. Аларның эше ярдәмендә техниканы Казанда ук алып булган.
«Казан өчен бу беренче тәҗрибә, ул терәк-хәрәкәт аппараты тайпылышлары булган кешеләрнең ялын уңайлырак итәргә булышачак», – диде спикер.