Պեսկովը հաստատել է Պուտինի և Թրամփի հեռախոսազրույցի ժամը
0
Ռուսաստանի և Միացյալ Նահանգների նախագահներ Վլադիմիր Պուտինի և Դոնալդ Թրամփի հեռախոսազրույցը կկայանա Մոսկվայի ժամանակով 17:00-ին (Երևանի ժամանակով՝ 18:00-ին)։ Ինչպես «Արմենպրես»-ը տեղեկանում է «Ինտերֆաքս» գործակալությունից, այդ մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Ժամը հինգին կկայանա Թրամփի հետ հեռախոսազրույցը», – նա ասել է լրագրողներին։
«Խոսակցությունը կարևոր է՝ հաշվի առնելով Ստամբուլում տեղի ունեցած բանակցությունները», – հավելել է Կրեմլի ներկայացուցիչը։
ԱՄՆ նախագահն այնուհետև առանձին հեռախոսազրույց կունենա նաև Ուկրաինայի նախագահ Վոլոդիմիր Զելենսկիի հետ։
The post Պեսկովը հաստատել է Պուտինի և Թրամփի հեռախոսազրույցի ժամը first appeared on MediaLab Newsroom-Laboratory.