Трамп Ҳаррисга қарши текширув талаб қилди: машҳурларга ноқонуний тўловлар масаласи
0
“Бу мутлақо қонунга зид!” — Трамп позицияси
Трампнинг таъкидлашича, Ҳаррис Брюс Спрингстин, Бейонсе, Опра Уинфри ва U2 гуруҳи солисти Боно каби юлдузларга ўз кампаниясида иштирок этишлари учун пул тўлаган. У савол билан мурожаат қилган: “Агар улар ҳақиқий тарафдор бўлишса, нега пул олган?”
Оқ уй раҳбари бу ҳолатни “жуда қиммат ва умидсиз маркетинг ҳаракати” сифатида баҳолади ва АҚШ қонунларига кўра, давлат лавозимига сайловолди жараёнида машҳурларга пул тўлаш тақиқланганини эслатди. У ҳолат юзасидан жиддий тергов бошлашни талаб қилди.
“Бузилган Америка тизими” ва “сўнғича ватанпарварлик”
Трамп ўз баёнотида Ҳаррисни қўллаб-қувватлаган юлдузларни “ватанпарвар бўлмаган” ва “Америка тизимидан шахсий манфаат учун фойдаланадиган” санъаткорлар, деб атади. У бундай муносабатнинг нафақат сиёсий, балки ахлоқий жиҳатдан ҳам қабул қилинмаслигини урғулади.
Машҳурлар таъсири — чегаралими?
Айни пайтда Нью Йорк университети профессори Лоуренс Маслон ўз чиқишида, Ҳаррисни қўллаб-қувватлаган юлдузлар сони қанча кўп бўлмасин, бу уни сайловда мағлубиятдан қутқара олмаганини айтди. Унинг фикрича, оддий америкаликлар учун Бейонсе ёки Спрингстиннинг сиёсий фикри бензин ё тухум нархидан кўра кам аҳамиятли.
Zamin.uz таҳририятидан:
2024 йилги АҚШ сайловолди муҳити яна кескинлашмоқда. Трампнинг танқидлари ва тергов талаблари, Ҳарриснинг кампаниясига ёрдам бераётган юлдузларнинг иштироки фоннда сайлов жараёнининг нафақат сиёсий, балки ҳуқуқий ва ахлоқий нуқталардан ҳам баҳсга айланаётганини кўрсатмоқда.
Сиз Трампнинг бу талабини қандай баҳолайсиз? Машҳурлар ҳақиқатан ҳам сиёсий жараёнларга таъсир кўрсата оладими?