АПЛнинг жорий мавсумдаги энг ёмон трансферлари...

Goal нашри Англия Премьер-лигасининг ушбу мавсумидаги энг ноўрин трансферлар рейтингини эълон қилди. Рўйхатда португалиялик Жоау Феликс биринчи ўринни эгаллади.

“Челси” ёзда у учун “Атлетико”га 46 миллион фунт тўлаган, бироқ бу инвестиция ўзини оқламади. Ҳужумкор ярим ҳимоячи Лондон жамоаси сафида жами 20 учрашувда 7 та гол ва 2 та ассист қайд этган бўлса-да, Премьер-лигадаги 12 ўйинда фақат биртадан гол ва голли узатма билан чекланди. Натижада, қишки трансфер ойнасидanoq у “Милан”га ижарага юборилди.

Goal рейтингининг юқори бешлигидан яна қуйидаги трансферлар жой олган:
2. Рахим Стерлинг — “Челси”дан “Арсенал”га ижара
3. Федерико Кьеза — “Ювентус”дан “Ливерпуль”га (12,5 млн фунт)
4. Джошуа Зиркзе — “Болонья”дан “Манчестер Юнайтед”га (36,5 млн фунт)
5. Эдди Нкетиа — “Арсенал”дан “Кристал Пэлас”га (30 млн фунт)

Шунингдек, кучли ўнталикка Кирнан Дьюзбери-Холл (“Лестер”дан “Челси”га), Эмил Смит-Роу (“Арсенал”дан “Фулхэм”га), Жейдон Санчо (“МЮ”дан “Челси”га ижара), Маттейс де Лигт (“Бавария”дан “МЮ”га) ва Иан Матсен (“Челси”дан “Астон Вилла”га) ҳам киритилган.

Zamin.uz таҳририяти трансферлар борасидаги баҳслар ва натижаларни муҳокама қилишда давом этади. Сиз бу рўйхатда кимларни ноадолатли деб ҳисоблайсиз?