Башкорт драма театры Чыңгыз Айтматов әсәре нигезендә спектакль әзерли
Мәҗит Гафури исемендәге башкорт академия драма театрында яңа халыкара проект әзерләүгә керештеләр. Театр директоры Иршат Фәйзуллин һәм баш режиссер Айрат Абүшахманов Кыргызстан режиссеры Уланмурза Карыпбаев белән очрашты. Очрашу барышында Чыңгыз Айтматов әсәрләре – «Гасырдан да озын көн» романы һәм «Хуш, Гөлсары!» повесте нигезендә спектакль кую турында сөйләшү булды. Бу хакта «Башинформ» яза.
Кыргызстан режиссеры Уланмурза Карыпбаевның исеме хәзерге театр дөньясында киң билгеле. Аның спектакльләре Кыргызстан, Казахстан, Белоруссия, Россия һәм Көньяк Корея театрларында куелган, дип хәбәр итә театрның матбугат хезмәте.