Татарстанда Беренчеләр хәрәкәтенә конкурс сайлап алуында җиңүчеләрне атадылар

Беренчеләр хәрәкәте грант алуга конкурс сайлап алуында җиңүчеләр исемлеген чыгарды. Грантларны юридик затларга һәм шәхси эшмәкәрләргә проект активлыкларын оештыру һәм уздыру өчен субсидияләр рәвешендә бирәчәкләр. Бу хакта хәрәкәтнең матбугат хезмәте хәбәр итте.

Татарстанда конкурс сайлап алуында җиңүчеләр:

• «Игелек кыл» социаль юнәлешле тәрбия чаралары циклы» проекты белән «Казан (Идел буе) федераль университеты» югары һөнәри белем бирү федераль дәүләт автоном мәгариф учреждениесе;
• «Технологик лидерлар» уйлап табу бурычларын хәл итү буенча Татарстан беренчелеге» проекты белән «Иннополис лицее» дәүләт автоном белем бирү учреждениесе;
• «Беренчеләр көннәре» фестивале» проекты белән Татарстан Республикасы Лаеш муниципаль районының «Лаеш шәһәренең 1 номерлы гимназиясе» муниципаль бюджет гомуми белем бирү учреждениесе;
• «Беренчеләр белән старт алабыз!» 3 яшьтән 9 яшькә кадәрге балалар һәм аларның ата-аналары өчен спорт чаралары марафоны» проекты белән Татарстан Республикасы Биектау районының «Байгыш» Биектау балалар бакчасы» муниципаль бюджет мәктәпкәчә белем бирү учреждениесе;
• «Высокогорская Заничка - 2025» хәрби-патриотик уены» проекты белән Татарстан Республикасы Биектау районының катнаш төрдәге «Сандугач» Биектау балалар бакчасы» муниципаль бюджет мәктәпкәчә белем бирү учреждениесе;
• «Советлар Союзы Герое Леонид Михайлович Соколов исемендәге «Җиңүгә адымнар» республика ачык хәрби-патриотик фестиваль-конкурсы» проекты белән Татарстан Республикасы Биектау районының «Тулпар» мәктәптән тыш эш үзәге» өстәмә белем бирү учреждениесе;
• «Без беренчеләр – Без бергә» балалар һәм яшьләр өчен җәйге адаптив интенсив» проекты белән «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге» дәүләт автоном социаль хезмәт күрсәтү учреждениесе;
• «Җиңүгә тигезләнү!» проекты белән «ТР Питрәч якташлыгы» иҗтимагый оешмасы.

Исегезгә төшерик, сайлап алу 2025 елның 31 гыйнварыннан 3 мартына кадәр үткәрелде. Аның максаты – балаларны һәм яшьләрне тәрбияләү, үстерү, сәләтләрен тормышка ашыру һәм аларның ялын оештыруга юнәлтелгән проект активлыкларына балалар һәм яшьләрне җәлеп итү. Грант акчалары тулысынча федераль бюджеттан бүлеп биреләчәк.

Мондый конкурсларны уздыру «Яшьләр һәм балалар» илкүләм проекты максатларына туры килә.