Шерзатқа қатысты сот отырысы: қорғау тарабы судьяға қарсылық білдірді

Бүгін, 28 мамырда, Шерзат Болаттың ісі бойынша кезекті сот отырысында қорғау тарабы судьяға қарсылық білдірді. Осыған байланысты сот отырысы аяқталды, - деп хабарлайды Tengrinews.kz тілшісі.
Таңертеңгі отырыста сот-медициналық сарапшы Өмірбек Жолымбетов сөз сөйледі. Ол Шерзаттың ағасы Нұрқанат Ғайыпбаевтың төбелес кезінде алған жарақаттарының сипаты туралы айтты.
Осыдан кейін сотталушы Абзал Шынасылдың қорғаушысы – Абенов төрағалық етуші судья Е.С. Жанұзақовқа қарсылық білдірді.

"Қылмыстық-процестік кодекстің 87-бабы 11-бөлігіне сәйкес, істі жеке қарап жатқан судьяға қарсылық білдірілген жағдайда, оны осы соттың төрағасы немесе басқа судья қарауы тиіс. Осы заң нормасына сәйкес, қарсылықты осы соттың судьясы А.А. Беймбетов қарайды", – деп хабарлады Алматы облыстық сотының баспасөз қызметі.

Еске салайық, 29 сәуірде сотта Шерзаттың ағасы – Нұрқанат Ғайыпбаевтың қайтыс болғанға дейін берген жауабы оқылған еді. Ол төбелеске қатысып, бірнеше пышақ жарақатын алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!