Татарстанда банк хезмәткәре клиентларның хисапларындагы акчаларны танышларына күчергән
Татарстанда банкларның берсендә клиентлар белән эшләүче төп менеджер вазифасын башкарган хезмәткәрне тоткарлаганнар.
«Татар-информ»га Россия Федераль иминлек хезмәтенең ТР буенча идарәсе матбугат хезмәтендә хәбәр итүләренчә, ул клиентлар өчен төрле суммаларга кертемнәр ачкан. Хатын-кыз, клиентларны алдап, аларның ризалыгыннан башка танышларының исәп-хисап счетларына акчалар күчергән.
«Ул Россия Федерациясенең критик мәгълүмати инфраструктура объекты булган автоматлаштырылган системаны эксплуатацияләү кагыйдәләрен бозган һәм акчалар урлаган», - дип хәбәр иттеләр Федераль иминлек хезмәтенең ТР буенча идарәсендә.
Аның гамәлләреннән килгән зыян 4 миллион сум тәшкил иткән. «Россия Федерациясенең критик мәгълүмати структурасына хокуксыз нигездә тәэсир итү» маддәсе буенча җинаять эше ачылган. Хәзер хатын-кызга 3 елдан 8 елга кадәр ирегеннән мәхрүм итү яный.
Элегрәк Эчке эшләр министрлыгы баш тикшерү идарәсе оешкан җинаятьчел эшчәнлекне тикшерү часте «Урлау» маддәсе буенча җинаять эше ачкан иде.