ЕЧЛнинг рамзий жамоаси: ПСЖ юлдузлари рекорд ўрнатишда давом этмоқда!
0
Бу сафар Европа чемпионлигини қўлга киритган ПСЖ таркибидан етти футболчи ушбу мавсумнинг энг яхши ўйинчилари сифатида тан олинди. Улар дарвозабон Жанлуижи Доннарумма, ҳимоячилар Нуну Мендеш, Маркиньос, Ашраф Ҳакими, ярим ҳимоячи Витинья ҳамда ҳужумкор футболчилар Усмон Дембеле ва Дезире Дуэ каби юлдузлардир.
Бу футболчилар финал баҳсида "Интер"га қарши фантастик ўйин кўрсатиб, жамоасига 5:0 ҳисобидаги йирик ва тарихий ғалабани тақдим этишди. Ҳақиқатдан ҳам бу ўйинда Ашраф Ҳакими ва Дезире Дуэ гол урган бўлса, Доннарумма эса рақиб ҳужумларига қарши мустаҳкам турди.
ПСЖ юлдузларидан ташқари, "Интер" жамоасининг асосий ҳимоячиси Алессандро Бастони ҳам ушбу рамзий жамоадан муносиб ўрин эгаллади. У мавсум давомида ишончли ўйини билан футбол мухлислари ва мутахассислар эътиборини қозонган эди.
Шунингдек, ёзда "Арсенал" клубига ўтган ва мавсум давомида юқори даражадаги футбол кўрсатган инглиз ярим ҳимоячиси Деклан Райс ҳам чемпионатдаги таъсирли ўйинлари билан энг яхши футболчилар қаторида эканини тасдиқлади.
«Барселона»нинг икки ёрқин юлдузи – Ламин Ямал ва бразилиялик ҳужумчи Рафинья ҳам ушбу рамзий жамоанинг энг ёш ва иқтидорли аъзолари бўлди. Улар "кўк-анорранглилар" таркибида Чемпионлар Лигасида ажойиб футбол кўрсатишди ва жамоасининг юқори натижаларида муҳим рол ўйнашди.
УEФА томонидан шакллантирилган бу рамзий терма жамоа мухлислар ва мутахассислар томонидан қизғин муҳокамаларга сабаб бўлмоқда. ПСЖнинг турнирдаги улкан ютуғи эса Париж клубининг Европа футболида янги эра очганини тасдиқлайди.
Шундай қилиб, Европа футболидаги энг нуфузли мусобақа яна бир ажойиб мавсумни ортда қолдирди. Эндиликда эса футбол мухлислари келаси мавсумда янги юлдузлар ва ажойиб голларга бой Чемпионлар Лигасини интизорлик билан кутишмоқда!