Барча инсонлар учун бир хил мос: Япония олимлари универсал сунъий қон яратди

Япониялик биотиббиёт олимлари замонавий тиббиёт учун катта бурилиш бўлиши мумкин бўлган ютуққа эришишди — улар барча қон гуруҳлари учун мос келувчи сунъий қон турини яратишга муваффақ бўлишди. Ушбу инновацион маҳсулот инсон организмига бегона ҳисобланмайди ва деярли барча беморларга қўллаш мумкин бўлади.

Гемоглобин асосида яратилган, вируслардан холи

Олимларнинг сўзларига кўра, сунъий қон муддати ўтган донор қонидан ажратиб олинган гемоглобин асосида тайёрланади. Бу гемоглобин махсус ҳимоя қобиғи билан ўралиб, ҳар қандай вирус ва инфекциядан ҳоли ҳолатга келтирилади. Энги қонда антигенлар мавжуд бўлмагани сабабли, у барча қон гуруҳлари билан мутлақо мослашади.

Тест синовлари муваффақиятли ўтди

Сунъий қон устидаги илмий тадқиқотлар 2022 йилда бошланган. Ундан бери олиб борилган клиник синовлар натижасида бирор бир ножўя таъсир ёки асорат аниқланмаган. Бу эса ушбу қонни хавфсиз ва самарали деб баҳолаш имконини бермоқда. Олимлар қоннинг оммавий ишлаб чиқарилиши ва шифохоналарга етказилиши 2030 йилга режалаштирилганини маълум қилишди.

Яна бир афзаллик — узоқ муддатли сақланиш

Янги сунъий қоннинг яна бир муҳим жиҳати — уни хона ҳароратида икки йилгача сақлаш мумкинлигида. Бу эса махсус музлатгичларсиз ҳам сақлаш ва ташиш имконини яратади, айниқса фавқулодда вазиятларда ва чет элга гуманитар ёрдам юборишда жуда фойдали бўлади.

Хулоса: тиббиётда янги давр бошланмоқда

Япония олимлари яратган универсал сунъий қон дунёдаги қон етишмовчилиги муаммосига катта ечим бўлиши мумкин. У нафақат турли қон гуруҳларига мос, балки хавфсиз ва узоқ муддатли сақлаш имконияти билан ҳам тиббиётда инқилобий ютуқ ҳисобланади. Тиббиёт тарихида янги саҳифа очилиши мумкин.