Алабуга табибы 12 миллион сум акчасын мошенникларга күчергән
Алабугада эшләүче табиб-стоматолог мошенниклар корбаны булган, ул гомере буена җыйган 12 миллион сум акчасыннан мәхрүм калган. Җинаятьчеләр үзләрен Иминлек федераль хезмәте (ФСБ) һәм Үзәк банк хезмәткәрләре дип таныштырып, ир-атны аның акчаларын урларга тырышалар, дип ышандырган. Паникага бирелеп, ул акчаларны «куркынычсыз» счетка күчергән, ә аны чынлыкта җинаятьчеләр контрольдә тоткан. Бу хакта «Алабуга нуры» яза.
Бу схема Алабуганың башка кешеләре өчен дә нәтиҗәле булып чыккан: май аенда гына да өч шәһәр кешесе 800 меңнән 2 миллион сумга кадәр акча югалткан.
Ел башыннан алабугалылар җинаятьчеләргә 65 миллион сумнан артык акча күчергән инде. Белгечләр гражданнарны уяу булырга һәм билгесез затларның үгетләүләренә бирешмәскә чакыра, бигрәк тә алар акча күчерүне яки конфиденциаль мәгълүматны таләп иткән очракларда аеруча уяу булырга кирәк.