ТАЗА ҚАЗАҚСТАН: Қостөбе қалашығына тазалық жұмыстарын жүргізді

Еліміз бойынша өткізіліп отырған игі шараның бірі «Таза Қазақстан» жалпыұлттық акциясына байзақтықтар да өз үлестерін қосуда. Соның бірі — «Таза Қазақстан» экологиялық мәдениетін дамытудың 2024-2029 жылдарға арналған тұжырымдамасының «Қоғамдық эко-бақылау» республикалық акциясы аясында, Ботамойнақ ауылдық округінде орналасқан Қостөбе қалашығында өткізілген тазалық жұмыстары.
Акцияға аудан әкімдігінің мәдениет және тілдерді дамыту бөлімі мен тарихи-өлкетану музейінің ұжымы, Ботамойнақ ауылдық округінің әкімшілігі мен тұрғындары, жастар ресурстық орталығының қызметкерлері қатысты.
— Ауданда атқарылуы тиіс жұмыстар жетерлік. Соның бірі — киелі мекендерді тұрғындарға дәріптеу. Көбісі осы аймақтағы мәдени-тарихи нысандарды білгенімен, оның тарихына мән бермейді. Ал осы іс-шара тек тазалық жұмыстарымен шектелмейді. Акцияға қатысушы осы қалашықтың салыну себебі мен мағынасына үңіліп, зердесіне тоқи кетеді. Бұл шараның бірден-бір ерекшелігі де осында. Киелі орындарда тазалық жұмыстарын жүргізе отырып оны сақтауға және құрметтеуге үгіттеу – дейді, аудан әкімдігінің мәдениет және тілдерді дамыту бөлімінің тарихи-өлкетану музейінің директоры Артық Үкібаев.
АЙТА КЕТЕЙІК: Қостөбе қалашығы Байзақ ауданы, Сарыкемер ауылының солтүстік-шығыс шетінде Талас өзенінің оң жағасында, Тараз қаласының оңтүстігінде 15 шақырым жерде орналасқан.
Қалашық VІ-ХІІ ғғ жататын археологиялық ескерткіш және 2014 жылы ЮНЕСКО-ның Бүкіләлемдік Мәдени Мұралар тізіміне және 2017 жылы «Рухани жаңғыру» бағдарламасы аясында «Қазақстанның киелі жерлерінің географиясы» жобасы бойынша Қазақстанның өңірлік маңызы бар қасиетті нысандар тізіміне енген.

Сообщение ТАЗА ҚАЗАҚСТАН: Қостөбе қалашығына тазалық жұмыстарын жүргізді появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.