Ламин Ямал FIFA 2026 учун Visa'нинг глобал элчиси бўлди
0
Канада, Мексика ва АҚШда бўлиб ўтадиган тарихдаги энг йирик футбол чемпионати арафасида Visa ўз карталар эгалари учун эксклюзив тажрибаларни таклиф қилади. Жумладан, Барселонада Ямал билан шахсий учрашув, имзоланган совғалар ва бошқа сюрпризлар шулар жумласидан.
Visa'нинг СЕМЕА минтақаси (Марказий ва Шарқий Европа, Яқин Шарқ ва Африка) маркетинг директори Тарек Абдалла таъкидлаганидек, Ямал — футболнинг келажагини ифода этувчи жасур ва илҳомлантирувчи тимсолдир.
Ямал ўз техникаси, тезлиги ва ўйин услуби билан бир неча рекордларни янгилаган ва глобал футбол юлдузига айланган. У шундай деди:
«Футбол — бу инсонларни бирлаштирувчи, хурсанд қилувчи ва руҳлантирувчи куч. Visa билан ҳамкорлик менга бу ишқибозликни бошқаларга етказиш имконини беради».
Visa, FIFA'нинг расмий тўлов технологиялари ҳамкори сифатида, бутун дунё бўйлаб тенглик ва футбол орқали имконият яратишга интилади.