უწყვეტი პროტესტის მე-200 დღეს საპროტესტო აქციები იმართება თბილისსა და სხვა 7 ქალაქში
უწყვეტი პროტესტის მე-200 დღეს თბილისსა და საქართველოს 7 ქალაქში საპროტესტო აქცია-მსვლელობები იმართება. ორგანიზატორები ხელისუფლების გადადგომას, "მიტაცებული ძალაუფლების" დათმობას და "რეჟიმის ტყვეების" გათავისუფლებას მოითხოვენ.18:00 საათზე დევიზით „ხალხი წყვეტს!“ აქციის მონაწილეები შეიკრიბნენ მთავრობის კანცელარიასთან."200 დღე გავიდა! ეს დრო იმის დასტურია, რომ ხელისუფლება ვერ გატეხს ხალხის ნებას. რეჟიმი ძლიერი არ არის - ის უბრალოდ გვაჯერებს, რომ მის წინააღმდეგ ბრძოლა უიმედოა. სიმტკიცით, სტრატეგიით და ორგანიზებულობით შესაძლებელია რეჟიმის ჩამოშლა. თუმცა გამარჯვებისთვის გეგმასთან ერთად აუცილებელია საზოგადოების მოქმედება, რომელსაც სჯერა ცვლილების. გამოდი და თქვი - წყვეტს! მოვითხოვთ არალეგიტიმური მთავრობის დაუყოვნებელ გადადგომას! "პარლამენტმა" და "მთავრობამ" დათმოს მიტაცებული ძალაუფლება! გათავისუფლდნენ რეჟიმის ტყვეები!", — ნათქვამია ორგანიზატორების მერ გავრცელებულ განცხადებაში.საპროტესტო აქციები იმართება:თბილისშიდროშების მარში - რესპუბლიკის მოედნიდანპროტესტი საზოგადოებრივ მაუწყებელთან"პროტესტის ხმა: თავისუფლებამდე რუსთაველით" — პირველ სკოლასთანაქცია პარლამენტთანგორშიგორის სარებულოს წინ - „გათავისუფლდნენ რეჟიმის ტყვეები და დაინიშნოს ხელახალი არჩევნები!“ახალციხეშიაქცია შოთა რუსთაველის ძეგლთან.ბათუმშიაქცია საკონსტიტუციო სასამართლოსთან: „სამშობლოს სამსახურში!“ზუგდიდშიაქცია რუსული რეჟიმის წინააღმდეგ - სამხარეო ადმინისტრაციის წინ.თელავშიუწყვეტი პროტესტი თელავში - მერიის შენობის წინ.ქუთაისშიაქცია ქუთაისის მერიის წინ - „კი ევროპას, არა რუსეთს!“ჩხოროწყუშიაქცია ჩხოროწყუს მერიის წინ - „გაბედე პროტესტი ყოველდღე!“