Түбән Камада 4 меңнән артык чыгарылыш укучысы мәктәп белән хушлашачак
Бу атнада Түбән Каманың барлык мәктәпләрендә чыгарылыш кичәләре узачак. Быел 888 унберенче сыйныф укучысы һәм 3237 тугызынчы сыйныф укучысы мәктәпне тәмамлый. Традицион гомумшәһәр чыгарылыш кичәсе Кама ярында 27 июньдә узачак. Бу хакта https://tat.e-nkama.ru/ сайтында хәбәр ителә.
ТР Түбән Кама муниципаль районы Башкарма комитеты җитәкчесе Радмир Беляев чыгарылыш сыйныф укучылары өчен онытылмаслык атмосфера тудыруның әһәмиятлелеген ассызыклады.
«Һәрберебез үзебезнең чыгарылыш кичәсенең дулкынландыргыч булуын хәтерли. Безнең бурыч – балаларга булышу һәм бәйрәм чараларын иң югары дәрәҗәдә оештыру», – диде ул.