Кыргызстан-Малайзия алакасы боюнча документтерге кол коюлду
25-июнда президент Садыр Жапаровдун Малайзияга болгон расмий сапарынын алкагында Малайзиянын премьер-министри Анвар Ибрагим эки өлкөнүн ортосундагы стратегиялык өнөктөштүк багытында кызматташтыкты чыңдоо боюнча биргелешкен билдирүүгө кол коюшту.
Андан тышкары туризм, жогорку билим берүү, саламаттыкты сактоо тармагында жана дипломаттарды даярдоо жаатында, ошондой эле экономикалык багыттагы бир катар документтерге кол коюлду. Садыр Жапаровдун Малайзияга расмий сапары 24-июнда башталган.
2024-жылы Малайзиянын премьер-министри Анвар Ибрагим Кыргызстанга расмий сапары менен келип кеткен.
Эки мамлекеттин дипломатиялык алакасы 1992-жылы башталган. 1997-жылы Кыргызстан бул өлкөдө элчилигин ачкан. Бишкек Азияда тез өнүгүп жаткан бул мамлекет соода-экономикалык байланышты күчөтүүнү көздөйт. (BTo)