Татарстан Милли китапханәсендә татар телендә яңа комиксны тәкъдим итәләр
28 июньдә Татарстан Милли китапханәсенең күргәзмәләр залында журналист һәм музыкант Рәдиф Кашаповның һәм аның тормыш иптәше Регина Гаязованың яңа китабын тәкъдим итәләр. Аларның «Мәхәббәт» дигән яңа җыентыгы дүрт татар гаиләсенә багышланган.
Китап геройлары - Россия мөселманнары өчен газета нәширләре, мөхәррирләре, журналистлары Зөһрә Акчурина һәм Исмаил Гаспринский; кызлар өчен мәктәпкә нигез салучылар Фатиха һәм Сөләйман Аитовлар, театр режиссерлары Кәшифә һәм Рәхим Тумашевлар, шулай ук шагыйрь һәм актриса Хәсән Туфан һәм Луиза Салиаскарова.
Рәссамнар Юлия Галиәкбәрова һәм Фәйрүзә Латыйфуллина комиксны эшләүләре турында сөйләячәк. Этнограф Динә Гатина-Шәфыйкова рәсемдәге костюмнарга анализ ясаячак, Балтач районы Нөнәгәр авылында Кәшифә Тумашева музеен ачкан Рәисә Хәбибуллина аның торышы турында сөйләячәк.
Очрашу татар телендә уза. Катнашу өчен теркәлү кирәк – ул түләүсез һәм сылтама буенча мөмкин.
Татар комикслары Регина Гаязова һәм Рәдиф Кашаповның «Казан хикәяләре» исемле беренче җыентыгы 2022 елда чыкты, икенчесе – «Татар хатын-кызлары» 2024 елда. Шул ук 2024 елда киләсе комиксны булдыру өчен акча җыю ачылды. Ул вакытта 350 мең сум февральдә җыелып бетте. Татар комиксын 1000 данә тираж белән нәшер итәргә җыеналар.