Ўзбекистонга 2 минг тонна от гўшти ва ҳалол қўй гўшти келтирилади
0
Икки давлат вакиллари гўшт етказиб бериш масаласини муҳокама қилдилар. Томонлар ягона карантин ва тариф сиёсати, ҳамда савдони узлуксиз амалга ошириш чораларида келишиб олди.
Тошкент, шунингдек, 100 минг бош монгол қўй ва эчки сотиб олишда ҳам қизиқиш билдирган. 2024 йилда Монголия Ўзбекистонга 7 минг бош қўй етказиб берган.
Музокаралар доирасида чорвачилик, агросаноат ҳамда ветеринария соҳаларида ҳам ҳамкорлик масалалари муҳокама қилинди.
2025 йил июн бошига келиб, Ўзбекистон жами $44,6 млн қийматида тирик ҳайвонларни, $268 млн қийматида гўшт ва ундан тайёрланган маҳсулотларни импорт қилган. Бу ўтган йилга нисбатан тегишлича 7,8% ва 66,1% ўсиш демакдир.