Урам паркында Контракт буенча хезмәткә сайлап алу пункты ачылды

Бүген Яшьләр көнендә Казанның Урам экстрим-паркында «Миллениум» күпере астындагы вакансияләр ярминкәсендә Контракт буенча хәрби хезмәткә сайлап алу мобиль пункты ачылды. Теләге булган һәркем махсус хәрби операциядә һәм Африка корпусында контракт буенча хәрби хезмәт турында белә алачак. Бу хакта Казанда Контракт буенча хәрби хезмәткә сайлап алу пункты офицеры Егор Горячев сөйләде.

Автоном палаткада барлык теләүчеләр контракт буенча хәрби хезмәт турында тулырак мәгълүмат ала, гариза бирә һәм беренчел сайлап алу уза алачак, шул исәптән Африка корпусына да.

«Барысының да контракт буенча хәрби хезмәтнең нәрсә икәнен белү мөмкинлеге бар. Без хәзер җыя торган хәрби частьләр һәм сайлап алуның беренчел этаплары турында сөйләрбез һәм аларны узарга ярдәм итәрбез. Монда ук Калашников автоматының макетын күрергә мөмкин - аны карарга гына түгел, кулда тотарга да, шулай ук җыярга һәм сүтеп карарга да була. Моннан тыш, бездә ату тиры җиһазландырылган һәм РФ Кораллы көчләре хәрби хезмәткәрләренең экипировкасы үрнәкләре тәкъдим ителгән, шул исәптән хәрби кирәк-яракларны тулы комплекты да», — дип белдерде ул.

РФ Кораллы көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында белергә була. Шулай ук Контракт буенча хәрби хезмәткә сайлап алу пунктына (1нче разряд) мөрәҗәгать итәргә мөмкин. Адресы: Казан, Аэропорт урамы, 1/40; телефоны: (843) 221-44-52. Моннан тыш, 8 800 222 59 00 номеры һәм 117 буенча колл-үзәккә мөрәҗәгать итәргә була.