Рөстәм Миңнеханов Нурлатта узучы Уяв бәйрәменә килде
Татарстан Рәисе Рөстәм Миңнеханов Нурлат шәһәренә килде. Биредә ул Уяв чуваш мәдәнияте бәйрәмендә катнаша.
Бәйрәм мәйданчыгында Миңнехановка Уяв символикасы төшерелгән кепка бүләк иттеләр, шулай ук чәкчәк һәм традицион чуваш сырасы белән сыйладылар. Биючеләр чуваш биюенең бер фрагментын башкарды.
Сәламләү сүзләреннән соң Татарстан Рәисе утарлар белән танышты, анда чуваш халкының традицион ризыклары, кием-салым һәм эчемлекләре тәкъдим ителгән иде. Шуларның берсе чуваш милли ризыгы Йава - таралып торган камырдан бал салып пешерелгән күп катлы бәлеш.
«Бик тәмле, татып карарга рөхсәт иткәнегез өчен рәхмәт», – диде Татарстан Рәисе.
Бәйрәм вакытында борынгы чуваш традицияләренә нигезләнгән туй тагын бер мөһим вакыйга булды. Миңнеханов яшь парларны котлады һәм алар белән бергә истәлеккә фотога төште.
Алга таба кунакларны чуваш халкының көнкүреше, уеннары һәм традицияләре белән танышу, шулай ук бай эчтәлекле концерт программасы һәм традицион әйлән-бәйлән уены көтә.