E39 ved Lavik i Vestland er stengd

E39 ved Avebukta vest for Lavik er stengd på grunn av steinsprang og fare for ras.

I første omgang er vegen stengd til klokka 15, melder Vegtrafikksentralen.

– Tidlegare på morgonen i dag gjekk eit steinsprang som vart rydda manuelt. No har det begynt å komme meir småstein ned i vegbana, så vegen er stengd på grunn av rasfare, seier vegoperatør Ronny Sleire.

Dei har folk i området som følger med på utviklinga.Tidligare i veka vart to store steinblogger sprengt i fjellsida i området.

Ingen andre vegar i fylket er førebels stengd på grunn av vêret.

Aktuelle vegar for omkøyring kan vere via fylkesveg 5597 Guddalen, eller fylkesveg 55 til Dragsvik og ferja Dragsvik-Vangsnes og riksveg 13 over Vikafjellet.

– Når ein europaveg blir stengd på Vestlandet, er vegane for omkøyring gjerne smale, dårlege og kronglete, seier Sleire.

For tungtrafikk kan det beste vere å ta riksveg 5 frå Skei via Sogndal og vidare på E16.