Գալջյանը՝ տրանսպորտից օգտվողների և չվճարողների մասին
Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանը «Ֆեյսբուք»-ի իր էջում անդրադարաձել է հասարակական տրանսպորտից օգտվող ու չվճարող քաղաքացիների համար տուգանք սահմանելու նախագծին:
«Վերջին շրջանում բազմաթիվ քաղաքացիներ բարձրաձայնում էին արդարացի մտահոգություն՝ կապված այն դեպքերի հետ, երբ որոշ քաղաքացիներ օգտվում են հանրային տրանսպորտից՝ խուսափելով վճարումից։
Ըստ առկա տվյալների՝ ուղևորների շուրջ 80 տոկոսը բարեխղճորեն վճարում է, և սա այն դեպքում, երբ առկա չէ տուգանք, ինչը շատ լավ ցուցանիշ է և խոսում է քաղաքացիների բարձր սոցիալական պատասխանատվության մասին, մինչդեռ որոշ խմբեր հետևողականորեն խախտում են այս սկզբունքը։ Այս երևույթը խաթարում է հասարակական արդարության զգացումը և անտեսում է օրենքին ենթարկվող մեծամասնության շահերը։
Սա այն բացառիկ դեպքերից է, երբ կա հանրային պահանջ՝ տուգանք սահմանելու, իսկ միևնույն ժամանակ քոչարյանամերձ «Մայր Հայաստան»-ը կազմակերպել է բողոքի ցույց Ազգային ժողովի դիմաց, որտեղ այսօր պետք է քննարկվի տուգանքի նախագիծը։ Եվ բոյկոտի մասին ահասարսուռ պատկերացումներ տարածող 12 հոգանոց խմբակցության ցույցին անգամ ամբողջ խմբակցության կազմի քանակի մարդ չի եկել, իսկ ավելի ուղիղ՝ բացի իրենցից որևէ այլ քաղաքացի չի եկել։
Սա ևս մեկ անգամ ցույց է տալիս, որ այդ մարդիկ կտրված են քաղաքացիների իրական խնդիրներից և զբաղված են միայն արված գործերը վատաբանելով»,- ասվում է գրառման մեջ:
The post Գալջյանը՝ տրանսպորտից օգտվողների և չվճարողների մասին first appeared on MediaLab Newsroom-Laboratory.