SNO mistenker feil bjørn er skoten
0
Statens naturoppsyn (SNO) felte tysdag kveld ein bjørn i Jarfjord i Finnmark. Det skjedde etter ein turgåar blei biten førre veke.
– I etterkant av fellinga ser vi at dette er ein hannbjørn, ikkje ei binne, seier Jan Paul Bolstad i SNO.
Det var VG som omtalte dette fyrst.
Til avisa seier han at dei ikkje kan seie sikkert om den felte bjørnen er dyret som angreip mannen førre veke.
– Ut frå opplysningane vi har om DNA-funn på staden, så tyder det på at dette ikkje er det individet vi er på utkikk etter, seier Bolstad.