Sør-Korea: Nasjonalforsamlinga har godkjent ny statsminister
0
Sør-Koreas nasjonalforsamling har torsdag godkjent Kim Min-Seok som ny statsminister, ifølgje Reuters.
Han vart nominert av president Lee Jae-Myung som vann presidentvalet i Sør-Korea 3. juni. Kim fekk støtte frå det største partiet, Det demokratiske partiet, som har fleirtal i nasjonalforsamlinga.
Opposisjonspartiet People Power Party har vore kritisk til utnemninga, mellom anna på grunn av spørsmål kring Kim sin økonomi, ifølgje den koreanske avisa Chosun.
Statsministeren er den einaste ministerposten i Sør-Korea som krev godkjenning frå parlamentet.
Kim fekk 173 stemmer for, 3 imot og 3 ugyldige stemmer, av totalt 179 representantar til stades.