Алии Хоманаӣ баъди се ҳафта аз паноҳгоҳ берун шуд
Оятуллоҳ Алии Хоманаӣ, раҳбари олии Эрон, ки аз замони ҳамлаи Исроил ба Эрон дар маҳзари ом дида намешуд, дар як маросими азодорӣ ширкат кардааст.
Расонаҳои давлатии Эрон шоми 5-уми июл наворе пахш карданд, ки дар он дида мешавад, ки Алии Хоманаӣ дар як маросими азодории Ошуро ҳузур дорад.
Рӯзи 13-уми июл Исроил ба Эрон ҳамла кард ва аз он вақт Алии Хоманаӣ дар маҳзари ом дида намешуд. Ӯ давоми се ҳафтаи ахир танҳо се паёми видеоӣ нашр кард.
Пеш аз ин Доналд Трамп, президенти Амрико дастикам ду бор гуфта буд, ки монеи кушта шудани Алии Хоманаӣ шудааст. Трамп дар ҷараёни ҳамлаи Исроил ба Эрон гуфта буд, аз ҷойи роҳбари Ҷумҳурии исломӣ огоҳ аст, аммо қасди куштани ӯро надорад.