Мейірхан Шерниязов бостандыққа неге “ерте“ шыққанын айтты
5 шілдеде жарияланған видеода ол өзіне қолдау көрсеткен барша адамға алғыс айтып, көпшілікті мазалаған басты сұраққа жауап берді.
Еске салайық, 2023 жылғы маусымда Мейірхан Шерниязов пен Мейіржан Төребаев инвестициялық пирамида құрып, оны басқарғаны үшін кінәлі деп танылып, әрқайсысы 5 жылға бас бостандығынан айырылған еді.
2024 жылғы желтоқсанда сот Шерниязовтың жаза жеңілдету туралы өтінішін қанағаттандырмаған. Алайда 2025 жылғы шілдеде ол бостандыққа шықты, бұл әлеуметтік желі қолданушыларының күдігін туғызды.
"Біреулер неге аз отырдың дейді. Біріншіден, түрмеде отыру – оңай шаруа емес. Екіншіден, кейбір жерде дұрыс жазылмаған. Бізді 2022 жылғы 19 сәуірде ұстады, ал үкім 2024 жылғы 1 ақпанда заңды күшіне енді. Мен қауіпсіздігі төмен колонияда отырдым. Мұндай жағдайда тергеу изоляторындағы әрбір бір күн екі күн болып есептеледі. Егер барлығын есептесек, мен толық мерзімді өтедім, басынан аяғына дейін. Шартты түрде мерзімінен бұрын босату болған жоқ, сот жазаны жеңілдетуге келіспеді, амнистияға да ілікпедік. Біздің іске қатысты халықтың сұрағы көп. Бәрін біртіндеп айтамын. Босқа жатқан жоқпыз, кино, сериалдар ойластырып жаттық", – деді вайнер өз видеоүндеуінде.
Посмотреть эту публикацию в Instagram
Публикация от Шерниязов Мейирхан (@make_sakevich)
Сондай-ақ, ол түсірейін деп жатқан киносы туралы бөлісті.
Айта кетейік, бұл іс бойынша басқа айыпталушылар 8 жылдан 14 жылға дейін бас бостандығынан айырылды. Келтірілген жалпы шығын мөлшері 814 миллион теңге, ал мемлекеттік баж салығы 8 миллион теңге болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!