Kina svarar på EU-forbod – stenger ute europeiske selskap
0
Kina har svart på EU sitt forbod mot kinesiske selskap i store medisinske innkjøp ved å innføre eit liknande forbod mot europeiske selskap, melder nyheitsbyrået AFP.
Det betyr at europeiske firma med mindre dei er etablert i Kina, ikkje lenger får vere med på store offentlege anbod på medisinsk utstyr.
Tiltaket gjeld innkjøp over 45 millionar yuan, altså rundt 6,3 millionar euro.
Dette er siste trekk i ein aukande handelskonflikt mellom EU og Kina, der begge partar skuldar kvarandre for å stenge ute utanlandske aktørar.