Sør-Koreas tidlegare president risikerer varetekt
0
Sørkoreanske påtalemakter har bedd om ein ny arrestordre for tidlegare president Yoon Suk-Yeol, melder nyheitsbyrået AFP.
Yoon er skulda for å ha forsøkt å undergrave det demokratiske styret i landet.
Han blei avsett i april etter at han i desember 2024 skal ha sendt væpna soldatar til nasjonalforsamlinga. Han er no tiltalt for mellom anna maktmisbruk, hindring av offentleg etterforsking og forfalsking av dokument knytt til erklæringa om unntakstilstand.
Spesialetterforskarane meiner han også prøvde å bruke droneflygingar mot Nord-Korea som påskot for å innføre militær unntakstilstand.
Forsvararane hans kallar arrestkravet for «overdrive og grunnlaust» og meiner det ikkje finst bevis for skuld.