აშშ-ის ტეხასის შტატში წყალდიდობის შედეგად დაღუპულთა რიცხვმა 50-ს გადააჭარბა

აშშ-ში, ტეხასში წყალდიდობის შედეგად დაღუპულთა რიცხვი 51-მდე გაიზარდა, მათ შორის 15 ბავშვია, იუწყება CNN-ი.

ათობით ადამიანი დაკარგულად ითვლება, ხელისუფლება ზუსტ რიცხვს არ აქვეყნებს. ძლიერმა წვიმებმა ტეხასში, მდინარე გუადალუპე ადიდდა და 4 ივლისის ღამეს წყალდიდობა გამოიწვია. წყლის დონემ, როგორც იტყობინებიან, სულ რაღაც 45 წუთში 8 მეტრით აიწია.

დაკარგულებს შორის მდინარის ნაპირზე მდებარე ქრისტიანული საზაფხულო ბანაკის, „Camp Mystic“-ის 27 ბავშვია.

ადგილობრივი ხელისუფლების ცნობით, სამძებრო-სამაშველო ოპერაციის დროს 850 ადამიანი გადაარჩინეს და უსაფრთხო ადგილას გადაიყვანეს.

დახმარებას გაუწევეაშშ-ის პრეზიდენტმა, დონალდ ტრამპმა პირობა დადო, რომ დაზარალებულებს ფედერალური მთავრობა დაეხმარება.

ტეხასის გუბერნატორმა გრეგ აბოტმა საგანგებო მდგომარეობის გამოცხადებას ხელი მოაწერა და განაცხადა, რომ შტატის რესურსები სამაშველო ოპერაციებისთვის „შეუზღუდავად“ მოხმარდება.