Løve rømde frå dyrepark i Tyrkia – ein mann alvorleg skadd
0
Ein hannløve som heiter Zeus rømde frå buret sitt i løveparken «Løveland» i Antalya natt til søndag, melder fleire tyrkiske medium.
Ifølgje CNN Tyrkia skal løva ha gått til angrep på ein mann i 50-åra tidleg søndag morgon. Mannen blei alvorleg skadd.
Politiet sette i gang eit stort søk med dronar, og folk i området fekk beskjed om å halde seg inne.
Ein av dei som møtte løva, Faruk Zeybek, fortel:
– Eg trudde det var ein tjuv då eg såg lysa frå politiet. Dei sa: «Løva har rømt, ikkje gå ut!» Så såg eg løva liggje der og løfte hovudet. Eg blei veldig redd, seier han til CNN.
Seinare på føremiddagen melde avisa Milliyet at løva Zeus er blitt skoten og drepen.