Apple iOS 26 beta 3’ни чиқарди: Янги дизайн ва Visual Intelligence
0
Apple ишлаб чиқувчилар учун iOS 26’нинг учинчи бета-версиясини (қурилиш рақами 23A5287g) тақдим этди. Янгиланишга сунъий интеллект функцияларининг такомиллашуви, интерфейснинг қайта ишланиши ва тизим ишлашининг оптималлашуви киритилди. Публика бета версияси июль ойининг ўрталарида чиқиши кутилмоқда.
Visual Intelligence эндиликда скриншотларни ҳам танийди. Скриншотларни кўришда “Сўраш”, “Календарга қўшиш” ва “Расм бўйича қидириш” тугмалари пайдо бўлади. Бу функция Apple Intelligence’ни кундалик фойдаланиш учун янада қулай қилади.
Интерфейс Liquid Glass услубига босқичма-босқич ўтмоқда: шаффофлик Контрол маркази, хабарномалар ва бошқа элементларга татбиқ қилинган. Янгиланиш камера фаолияти ва AirPods билан ўзаро алоқани ҳам яхшилайди. Бундан ташқари, macOS’нинг янги бета версиясида ҳам ўзгаришлар бор.
Янги бетада қуйидаги муаммолар ҳал қилинган:
• Энергия сарфининг камайиши.
• Қизиб кетиш ва “подвисание” муаммолари йўқ қилинган (айниқса iPhone 15 Pro учун).
iPadOS ва macOS 26 beta 3 учун ҳам янги бета йиғинлари чиқарилди.
iOS 26 beta’нинг оммавий версияси июль охиригача чиқиши, якуний релиз эса шу кузда кутилмоқда.