Sør-Afrika avviser Trump-toll
Sør-Afrika har reagert på brevet frå USAs president Donald Trump, der han varslar ein 30 prosent toll på alle varer frå Sør-Afrika frå og med 1. august.
– Dette er ikkje ei korrekt framstilling av tilgjengelege handelsdata, heiter det i uttalen frå det sørafrikanske presidentkontoret på X.
Trump grunngjev tollen med det han meiner er ein ubalansert handel mellom landa.
Ifølgje US Trade Representative eksporterte Sør-Afrika varer til USA for rundt 10 milliardar dollar i 2024, medan USA eksporterte varer til Sør-Afrika for om lag 5 milliardar dollar. Altså kjøpte USA dobbelt så mykje som dei selde.
I tillegg til Sør-Afrika har Trump sendt tollbrev til fleire andre land mellom anna Japan og Sør-Korea.
Måndag kveld opplyste næringsminister Cecilie Myrseth (Ap) til NRK at Noreg har ikkje fått eit tollbrev endå.