Айыптұрақтар ақылы болмақ: жүргізушілер нені білуі керек?
Маусымның аяғында Сенат Алматы және Астана қалаларының мәслихаттарына жол қозғалысы мәселелерін шешуге көбірек құқық беретін заңды мақұлдады, - деп хабарлайды Tengrinews.kz тілшісі.
Kolesa.kz мәліметінше, енді мәслихаттар жалпы жол ережелерінде жоқ ережелерді өздері белгілей алады. Соның ішінде ақылы автотұрақтар мен айыптұрақтар қалай жұмыс істейтінін де шеше алады.
Яғни олар айыптұрақтарда көлікті эвакуациялау және сақтау ережелері мен тарифін белгілей алады. Көлікті жеткізу және әр сақтау күні үшін ақы алынады.
Айыптұрақтар 2025 жылғы күзге қарай, яғни тарифтер бекітілгеннен кейін ақылы болмақ.
Автозаңгер Михаил Будянскийдің пікірінше, жаңа ереже көлік иелерінің, әсіресе, кінәлі емес, бірақ қиын жағдайға тап болғандардың жағдайын қиындатуы мүмкін.
Ол ақылы тұрақ идеясын әлі де талқылауға болады деп санайды. Бірақ мынадай әділдікті сақтау керек екенін айтты:
кінәсі дәлелденгенше жүргізушіден ақша алмау;сот және шағымдану кезінде автотұрақты тегін күйінде қалдыру;қандай жағдайларда эвакуация қажет екенін нақтылау;көліктер көбіне не үшін эвакуацияланады? Статистиканы зерттеу.
Сілтемесіз жаңалық оқисыз ба? Онда Telegram желісінде парақшамызға тіркеліңіз!