Тошкентда светофорлар масофадан туриб бошқарилади

Ўзбекистондаги вилоятлар қатори Тошкентда ҳам жамоат транспортида қулайлик ва хавфсизликни ошириш мақсадида инновацион ёндашувлар жорий этилмоқда, деб Upl.uz хабар берди.

Шаҳар транспорт тизимини модернизация қилиш доирасида йирик инфратузилма лойиҳалари амалга оширилмоқда. Жумладан, Хитойдан жалб этилган 300 миллион доллар сармоя эвазига 200 км йўл таъмирланади ва тўртта янги кўприк қурилади.

Ушбу ташаббуслар орқали шаҳар йўллари сезиларли даражада яхшиланиши кутилмоқда.

Янги ислоҳотлардан яна бири — интеллектуал транспорт ахборот тизими жорий этилиши ҳисобланади. Тизимда қуйидагилар кўзда тутилган:
• 700 дан ортиқ чорраҳалар ягона платформага уланади.
• Барча светофорлар, камералар ва кузатув воситалари бирлаштирилади.
• Светофорлар реал вақтдаги транспорт оқимига қараб масофадан бошқарилади.

Тахминларга кўра, ушбу тизим тирбандликни 25–30% га камайтиради. Бу транспорт инфратузилмаси самарадорлиги ва шаҳарда ҳаракатланиш қулайлигини оширишга хизмат қилади.