Перизат Қайрат “соққыға жығылғанын“ мәлімдеді: полиция видео жариялады
"9 маусымда тергеудегі П.Қайрат прокуратура органдарына арыз түсіріп, мекеме қызметкері камера есігін күштеп жапқан кезде оны есік арасына қысып, дене жарақатын келтіргенін мәлімдеген. Бұл арыз бойынша жинақталған материалдар Астана қаласы Полиция департаментіне жолданып, қазір соталды тергеп-тексеру жүргізіліп жатыр. Тергеу аясында мекеменің бейнебақылау камераларындағы жазбалар зерделеніп, қызметкерлер мен куәлардан жауап алынды", - деп жазылған хабарламада.
Сонымен қатар, полиция алғашқы тергеу жұмыстарының нәтижесін жариялады.
"Алғашқы тергеу әрекеттерінің нәтижесі бойынша П.Қайрат мәлімдегендей, камера есігін жабу кезінде мекеме қызметкерлері оған дене жарақатын келтіргені расталмайды. Бұған П.Қайрат өз арызында көрсеткен оқиға сәтіндегі бейнебақылау жазбасы дәлел болып отыр. Тергеу әрекеттері жүргізіліп жатыр, тиісті сараптама тағайындалды", - деп жазылған хабарламада.
Посмотреть эту публикацию в Instagram
Публикация от Астана Қаласының Полиция Департаменті (@police__astana)
Еске салайық, бұған дейін алаяқтық бойынша және қылмыстық жолмен алынған ақшаны заңдастырды деген күдікке ілінген Перизат Қайрат тергеу изоляторында соққыға жығылғанын мәлімдеді.
9 шілдеде таңертең Астана сотында Перизат Қайратқа қатысты алдын ала тыңдау өтті. Оған азаматтар мен ұйымдардан жиналған 3 миллиард теңгеден аса қаржыны жымқырды деген айып тағылған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!