PKK legg ned våpena
0
Fredag tok PKK eit historisk steg og byrja å øydeleggje våpena sine etter 41 år med væpna kamp, melder AFP.30 geriljasoldatar brann våpena sine i Nord-Irak.
Det skjer etter at PKK-leiaren Abdullah Öcalan bad om det frå fengselet.
PKK er Kurdistans arbeidarparti, og blei stifta i 1978.
Det er både eit politisk parti og ei væpna gruppe som har kjempa for kurdiske rettar sidan 1980-talet. Konflikten har kosta over 40.000 liv og prega regionen i fleire tiår.
Tyrkia, EU og USA klassifiserer PKK som ei terrorgruppe, men gruppa har også støtte blant delar av den kurdiske befolkninga.