Бухорода 978 дона ноқонуний дорилар топилди
0
Ички хавфсизлик хизмати ва божхона бошқармаси ҳамкорлигида ўтказилган текширув натижасида Бухоро туманида яшовчи, 1985 йилда туғилган шахснинг уйи ва автомобилидан 978 дона турли дори воситалари аниқланиб, ҳужжатларисиз ва келиб чиқиши номаълум ҳолда сақланаётгани маълум бўлди.
Текширув пайтида Имудон, Церебролизин, Дофамин, Маалокс каби 78 хил дори аниқланди. Гумондор ушбу фаолиятда унга 1962 йилда туғилган жиноий шериги ёрдам берганини тан олди.
Соғлиқни сақлаш вазирлигининг Фармацевтик маҳсулотлар хавфсизлиги маркази хулосасига кўра, ушбу дорилардан 32 таси давлат реестрида рўйхатдан ўтмаган, 57 тасида мувофиқлик сертификати йўқ, 6 таси сифатсиз ва 4 таси қалбаки эканлиги маълум қилинди. Шунингдек, дорилар сақлаш қоидаларига риоя қилинмасдан сақланган.
Юқоридаги ҳолат юзасидан Жиноят кодексининг 243-моддаси 3-қисми асосида жиноят иши қўзғатилди. Гумондорлар дори воситаларини Бухоро шаҳри ва Шафиркан, Пешкун, Ромитан туманларида тарқатишган.