"Челси" финалда ПСЖни йирик ҳисобда мағлуб этиб, жаҳон чемпиони бўлди

Клублар ўртасидаги Жаҳон чемпионати финалидан ўрин олган "Челси" - ПСЖ клублари иштирокидаги беллашув ўз ниҳоясига етди.

Учрашувдан аввал қисман фаворит саналган Луис Энрике бошчилигидаги ПСЖ финал баҳсида Энцо Маресканинг "Челси"сига йирик 3:0 ҳисобида мағлуб бўлди.

Тўқнашувни яхши бошлаган "аристократлар" дастлаб 22-дақиқада ҳисобни очишга муваффақ бўлди. Гол муаллифи эса англиялик ярим ҳимоячи Коул Палмер. Орадан 7 дақиқа ўтиб эса ҳужумкор ярим ҳимоячи дублни расмийлаштирди. Шу билан бирга, 1-бўлим сўнггида Палмернинг узатмасидан сўнг Жоао Педро ҳисобни йириклаштирди. Мазкур голлар ўйин тақдирини ҳал қилди ва лондонликларнинг чемпионликни расмийлаштиришига замин яратди.

"Челси" - ПСЖ 3:0
Голлар: Палмер (22. 30), Педро (43).

"Челси": Санчес, Гюсто, Чалоба, Колуилл, Кукурелья, Жеймс (Дьюсбери-Холл, 77), Кайседо, Фернандес (Андрей Сантос, 61), Палмер, Жоао Педро (Делап, 68), Педро Нето (Нкунку, 77).

ПСЖ: Доннарумма, Хакими (Заир-Эмери, 73), Маркиньос, Бералдо, Мендеш, Невеш, Витинья, Руис (Маюлу, 73), Дембеле, Дуэ (Рамуш, 73), Кварацхелия (Барколья, 58).

Огоҳлантириш: Нето (35), Кайседо (36), Гюсто (40), Колуилл (82), Мендеш (90+5).
Четлатиш: Невеш (86).