Америка пашша хавфи туфайли чегараларни ёпишга мажбур бўлди
0
Мазкур пашша чорва молларининг танасига тухум қўйиб, яралар орқали ўсувчи личинкалари орқали жуда катта зарар етказади. Улар ҳайвонларнинг оғриқ, инфекция ва ҳатто ўлим ҳолатларига олиб келиши мумкин. Бу эса фермерлар учун катта иқтисодий йўқотишлар билан тугаши аниқ.
АҚШ бу муаммога қарши курашишда бир неча ўн йиллардан бери ўз услубига таянади: зарарсиз, яъни стериллаштирилган эркак пашшаларни оммавий кўпайтириб, уларни ёввойи урғочилар билан жуфтлашиш учун ҳавога қўйиб юбориш. Бу усул 1970 йилларда иш берган ва тропик пашшалар Панама ҳудудида тўхтатилган эди.
Бироқ 2024 йил охирида Мексиканинг жанубий қисмида ушбу пашшалар популяцияси қайта аниқланди. Энди эса улар АҚШнинг Техас штати сари ҳаракатланмоқда. Агар улар бу ҳудудга етиб борса, тарихдаги каби гўшт саноатига катта зарар етиши мумкин.
Шу сабабли, АҚШ ҳукумати Мексикадан келадиган барча тирик чорва молларини қабул қилишни вақтинча тўхтатди. Бунда асосий мақсад — пашшанинг мамлакат ҳудудига кириб келишининг олдини олиш.
Мексика президенти Клаудия Шейнбаум эса бу қарорни танқид қилди. Унинг сўзларига кўра, АҚШ ўз гўшт бозорини ҳимоя қилиш баҳонасида таҳдидни ортиқча бўрттирмоқда.