Қамоқдан сумкада қочган маҳбус бутун Францияни ларзага солди
0
Маълумотларга кўра, йигит 11 июль куни жазо муддати тугаган маҳкумлардан бири орқали озодликка чиққан. Қамоқхона маъмурияти унинг йўқолганини фақат бир кундан сўнг — 12 июл кунигина пайқаган. Ҳозирда қочоқни қидириш ишлари бошлаб юборилган.
Қочоқ одам савдоси, ўғирлик ва уюшган жиноий гуруҳлар билан боғлиқлик каби жиноятлар учун қамалган. Унинг ҳаракати нафақат мураккаб жиноий ҳужжатлар, балки Франция қамоқхоналари тизимидаги жиддий камчиликларни ҳам фош этди.
Қамоқхона бошлиғи Себастен Ковэл бу ҳолатни “камдан-кам учрайдиган, лекин жуда жиддий қонунбузарликлар йиғиндиси” деб баҳолади. Унинг айтишича, бундай ҳолат қамоқхонадаги узоқ йиллар давомида тўпланган тизимли хатолар натижаси бўлган.
Қизиғи шундаки, Корба шаҳридаги ушбу муассаса нормадан 170 фоизга кўпроқ маҳкумни қабул қилган — бу эса ходимлар фаолиятини янада мураккаблаштирган. Маҳбусни пайқамай қолиш эҳтимоли айнан шу сабабли юзага келган бўлиши мумкин.
Ҳозирда ички хизмат текшируви ўтказилмоқда, шунингдек, Рона департаменти полицияси махсус тергов бошлаган.
Сиз нима деб ўйлайсиз — бу шунчаки соқчи хатосими ёки тўлиқ тизим муаммосими?