Пластик операциядан афсусланган машҳурлар

Ҳар қандай гўзаллик қурбон талаб қилади, дейишади. Бироқ айрим машҳурлар учун гўзаллик йўлидаги ҳаракатлар охир-оқибатда афсус ва изтироб билан якунланган. Бугунги мақолада пластик операцияга қўл урганидан кейин афсусланган ва ўзининг табиий қиёфасини қайтаришга ҳаракат қилган Голливуд юлдузлари ҳақида сўз боради, деб zamin.uz хабар берди.

. Кўплаб машҳур шахслар камида бир марта пластик операция қилдирган. Улардан баъзилари бу ҳақда очиқ гапиради, баъзилари эса бундай синовни яширишга ҳаракат қилади. Лекин айримлари учун бу ўзгаришлар нафақат ташқи қиёфани, балки бутун ҳаётини ҳам ўзгартирган.

. “Do‘stlar” сериалининг юлдузи Кортни Кокс ўтмишда гўзаллик учун ҳаддан зиёд инъекция қилдирганини тан олди. Унинг айтишича, у ўз юзини табиий эмаслигини илгари тушунмаган, фақат бир куни кўзгуга қараб, ўзини танимай қолган.

. Мухлислар уни танимай қолганини ёзган, режиссёрлар эса янги роллар таклиф қилишни тўхтатган. Кортни ўзининг гўзаллик учун қилган хатоларини англаб етиб, юзидаги филлерларни олдирган ва табиий қиёфасини тиклаган. Ҳозирда у фақат крем ва ниқоблар билан парвариш қилади.

. Ариана Гранде ҳам бир пайтлар лабларига кўп миқдорда филлер ва ботокс қўйдирганини маълум қилди. У ҳатто ёлғон аниқловчи қурилма — полиграфдан ҳам ўтган. Инъекциялар натижасида унинг юзи ҳаракатсиз бўлиб қолган ва бу унга ёқмаган. Энди у табиий гўзалликни қадрлашини айтмоқда.

. Шунга қарамай, у келажакда яна бундай амалиётларга қайтиши мумкинлигини инкор этмади. Унинг мухлислари эса унинг гўзаллигини ҳали ҳам шубҳа остида қўяди, чунки Ариана 32 ёшида ҳам ўсмирга ўхшаб кўринади.

. Белла Хадид — дунёдаги энг чиройли аёллардан бири. У ҳам бир вақтлар ҳеч қандай операция қилмаганини айтиб юрган. Бироқ Vogue'га берган интервьюсида 14 ёшида бурнини кичрайтириш учун ринопластика қилдирганини тан олди.

. Белланинг сўзларига кўра, у ёшлигидан ўз қиёфаси туфайли комплексга тушган ва онаси унга операция қилишга розилик берган. Аммо бу қарордан у энди афсусда. У ўзининг аслий, мерос қолган қиёфасини сақлашни хоҳлаётганини таъкидлади.

. Белла бошқа пластик операциялар ёки филлерлар ҳақидаги миш-мишларни рад этди. У юзи ва лабларини бузишдан қўрқишини, табиий қиёфасига содиқ қолишини айтди.

. Ушбу юлдузларнинг таърифи шуни кўрсатадики, гўзаллик сари бўлган уринишлар доимо яхши тугамаслиги мумкин. Табиийлик, ўзига бўлган ишонч ва руҳий саломатлик — бугунги кунда янада қадрли бўлиб бормоқда.