Ўзбекистонда рақамли маркировка 115 мингдан ортиқ товарни қамраб олди
0
Айни пайтда рақамли маркировка тизимида 1 мингта ишлаб чиқарувчи ва 3,4 мингта импорт қилувчи иштирок этмоқда. Энг кўп ишлаб чиқарувчи корхоналар Тошкент шаҳри, Тошкент вилояти ва Самарқанд вилоятига тўғри келмоқда.
Июль бошига қадар маиший техника ишлаб чиқарувчи ва импорт қилувчи 2,2 минг компания тизимда рўйхатдан ўтган. Фармацевтика соҳаси 1,3 мингта иштирокчи билан иккинчи ўринда турибди. Учинчи ўринни эса 647 компания билан ичимлик суви ва алкоголсиз ичимликлар сегменти эгаллади.
Бундан ташқари, тизимда алкогол ва тамаки маҳсулотлари ишлаб чиқарувчилари ҳам иштирок этмоқда. Ушбу рақамли механизм 2021 йилдан бери босқичма-босқич жорий этилмоқда.