14 июлда ўтган тест синови натижалари эълон қилинди

2025 йил 14 июл куни ўтказилган олий ва профессионал таълим муассасаларига ўқишга кириш тест синови натижалари эълон қилинди. Бу ҳақда Билим ва малакаларни баҳолаш агентлиги хабар берди.

Тест синовида иштирок этган абитуриентлар ўз натижаларини 4 хил усулда билишлари мумкин:

my.uzbmb.uz сайтининг «Натижани олиш» бўлимидан паспорт серияси ва рақами ҳамда шахсий идентификация рақамини киритган ҳолда.

mandat.uzbmb.uz сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID рақамини киритган ҳолда.

Билимни баҳолаш агентлигининг қуйидаги телеграм ботларига абитуриент қайд варақаси ёки рухсатномасида кўрсатилган абитуриентнинг ID рақамини юборган ҳолда:

@bmba_natija_bot;

@bmba_natija_1bot;

@bmba_natija_2bot.

SMS хабарнома хизмати орқали:

Абитуриентлар танлов натижаларини 5100 рақамига қайд варақаси ёки рухсатномада кўрсатилган абитуриент ID сини юборган ҳолда ҳам билиши мумкин.

Бунда SMS юборилган телефон рақамига тест натижаси бўйича SMS хабарнома юборилади (хизмат ҳақи мавжуд).