Қазақстанда алдағы күндері ауа райы қандай болады?

Қазгидромет синоптиктері 17, 18 және 19 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Жаңбыр, найзағай және дауыл

Қазақстан аумағының көп бөлігінде атмосфералық фронтал бөліктердің өтуіне байланысты жаңбыр жауып, найзағай ойнайды. 17 шілдеде – батыста, 18 шілдеде – солтүстік-батыста, 18-19 шілдеде – солтүстікте, 19 шілдеде – Қазақстанның орталығында қатты жаңбыр, бұршақ, дауылды жел күтіледі. Ел бойынша желдің күшеюі болжанған.

Аптап: оңтүстікте +46 градусқа дейін

Алдағы күндері елдің батысы мен оңтүстік-батысында өте қатты ыстық – 41-44 градусқа дейін, оңтүстік-шығысында – 42-43 градусқа дейін көтеріледі. 17 шілдеде солтүстік-батыста, 18 шілдеде республиканың орталығында – 40 градусқа дейін өте қатты ыстық болады, 18-19 шілдеде оңтүстікте – 45-46 градусқа дейін көтеріледі.

Күн салқындайды

Кезең соңында солтүстік өңірлерде ауа температурасының түнде 8-18 градусқа дейін, күндіз 17-25 градусқа дейін төмендеуі күтіледі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!