Зерделеу жұмыстары жүргізілді

Мемлекет басшысы Қасым-Жомарт Тоқаев 2021 жылғы Жолдауында «Мал басының амандығы және өнімділігі жергілікті ветеринарлардың тиімді жұмысына байланысты. Бұл түптеп келгенде, ауылдағы ағайынның әл-ауқатына тікелей әсер етеді. Ветеринария саласын жетілдіру қажет. Бұл салада орталық пен өңірлер арасындағы міндеттер мен құзіреттер нақты бөлінуі керек. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес. Сондықтан осы салада жүйелі жұмыс атқарылуға тиіс»,-деген еді.

Сол жолы ел Президенті бұл сала­дағы процестерді толық цифрландыруды, мәлімет жинауды жүйелі, дұрыс жолға қоюды және оны автоматтандыруды, маман даярлау ісін жетілдіруді тапсырды. Иә, ауылшаруашылығындағы маңызды саланың бірі-мал шаруашы­лығы.
Бүгінде бұл сала халықты түрлі та­ғам өнімдерімен, өнеркәсіпті шикі­зат­­пен қамтамасыз етіп отырғаны сөз­сіз. Ал малдың әртүрлі қауіпті кеселге шалдықпауын, олардан алынатын өнімдердің адам денсаулығына зиян келтірмеуін қамтамасыз ету ба­ғы­тын­да тынымсыз еңбек ететін ве­тери­нар мамандарының қызметі ерек­ше екені айтпаса да түсінікті. Ауданымызда да ветеринария саласын дамы­ту, ветеринариялық нысандарға басым­дық беру — маңыздылығын жоғалтқан жоқ.
Осыған орай аудан әкімінің орынбасары Нұрлан Молдабеков ауылдық округтердегі ветеринариялық нысандарды аралап, зерделеу жұмыстарын жүр­гізіп, бірқатар құрылыс нысандарын аралап, жұмыс барысымен таныс­ты.
Ветеринария бөлімінің берген мә­ліметі бойынша ауданда барлық ве­тери­нариялық пункт жұмыс істеп тұр. Ағымдағы жылы ауылдық округтердегі ветеринариялық нысандарды жаңар­ту мақсатында атқарылған жұмыс­тар­ға тоқталсақ, 5 ауылдық округте (Байқадам, Игілік, Жаңаталап, Тоғыз­кент, Жайылма) ветеринариялық нысандар кешенді болып салынады. Ве­тери­нариялық пункт, мал емдеу орны және мал тоғыту алаңы қатар салынады деп күтілуде.
Нысандарды аралау барысында ау­дан әкімінің орынбасары Нұрлан Молдабеков анықталған кемшіліктерді қа­лыпқа келтіру бойынша жауапты басшыларға тиісті тапсырмалар беріп, құрылыс жұмыстарына жауапты мерді­гер мекеме басшыларына барлық жұ­мыс­тарды сапалы әрі уақытылы аяқ­тау­ды тапсырды.

Сообщение Зерделеу жұмыстары жүргізілді появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.