Модрич нега “Милан”ни танлаганини ошкор қилди
0
"Европада қолиш ва яна бир неча мавсум юқори даражада тўп суриш ниятим бор эди. Рўйхатда бошқа таклифлар ҳам бор эди, бироқ айнан "Милан" таклифи келганида ҳаммасини англадим – бу мен кутаётган имконият экан. Улар Хорватияга келиб, ўз лойиҳаларини, режаларини тақдим этишди. Бу эътибор мени жуда таъсирлантирди. "Милан" каби клубга қўшилиш — ҳар қандай футболчи учун шараф. Уларнинг тарихий йўли, Европа майдонларидаги ўрни бу қароримни осонлаштирди", — дея таъкидлади Модрич клуб матбуот хизматига.
Эслатиб ўтамиз, Лука Модрич 13 йил давомида “Реал Мадрид” сафида тўп суриб, клуб тарихидаги энг кўп соврин ютиб олган футболчига айланганди. Энди у “россонерилар” сафида ўзининг бой тажрибаси билан янги саҳифа очиш арафасида.