Трампга кўра, тарихдаги энг зўр футболчи ким?

Яқинда бўлиб ўтган клублар ўртасидаги жаҳон чемпионати финалидан сўнг, АҚШ президенти Дональд Трамп футбол тарихидаги энг буюк ўйинчи ҳақидаги саволга жавоб берди.

Трамп бу фикрни DAZN телеканалига берган интервьюси чоғида билдирган. Унинг сўзларига кўра, футболнинг энг ёрқин юлдузи сифатида у бразилиялик Пелени кўрсатган.

"Ёшлигимда Пеле Ню-Йоркка келган эди. У ўша пайтда "Космос" жамоасида тўп сурарди. Менинг дўстим Стив Росс — Warner Communications раҳбарларидан бири — ушбу ташаббус орқали Пеленинг келишини ташкил қилганди. Ўша пайтдаги стадион тўлиб-тошган, мухлислар эҳтирос билан унга ёндошган", – дея эслайди Трамп.

У Пелени афсонавий бейсболчи Бейб Рут билан таққослаб, шундай дейди: "Бу Пеле ҳақида фикр билдириш Бейб Рутни эслашга ўхшайди. Иккаласи ҳам спорт тарихининг буюк шахслари. Бироқ, агар мен футболчилар ҳақида гапираётган бўлсам, Пелени ақл бовар қилмас даражада кучли футболчи деб айтардим".

Эслатиб ўтамиз, Пеле 1975–1977 йилларда АҚШнинг “Нью-Йорк Космос” жамоасида фаолият юритган ва америкалик мухлислар орасида футболга қизиқишни оширишга катта ҳисса қўшган.

Трампнинг бу баёноти яна бир бор Пеленинг жаҳон футболида тутган алоҳида ўрнини эътироф этиш сифатида баҳоланмоқда.