Синоптиктер Қазақстанда аптап және жаңбыр болатынын ескертті

Синоптиктер Қазгидрометтің 22, 23 және 24 шілдеге арналған ауа райы болжамын ұсынды, - деп хабарлайды Tengrinews.kz тілшісі.

Жаңбыр және тұман

Атмосфералық фронтал бөліктердің өтуіне байланысты елдің батысында, солтүстігінде және шығысында жаңбыр, найзағай күтіледі, ал 22 және 24 шілдеде Қазақстанның батысында – күшті жаңбыр, күндіз бұршақ, дауыл болады, қалған аймақтарда жауын-шашынсыз ыстық ауа райы сақталады.

Республика бойынша желдің күшеюі күтіледі, оңтүстікте және оңтүстік-батыста құмды дауыл болады. Түнгі және таңғы уақытта елдің солтүстігі мен шығысында тұман болжанады.

Ауа температурасы қандай болады?

22-23 шілдеде Ақтөбе облысының оңтүстігінде күндіз өте қатты ыстық болады – 40 градусқа дейін, Алматы облысының батысы, солтүстігі және орталығында – 42 градусқа дейін.

Батыс өңірлерде күндізгі ыстық 35-39 градусқа, Қазақстанның оңтүстік-батысында 38-42 градусқа дейін жетеді. 24 шілдеде Қостанай облысының оңтүстігінде 35 градус, орталық өңірлерде 35-38 градус, республиканың оңтүстігінде 40-42 градус, оңтүстік-шығысында 35-39 градусқа дейін ыстық болады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!