Казандагы төзелешләрнең берсендә полиция 34 легаль булмаган мигрантны тоткарлаган
Полиция хезмәткәрләре Казандагы торак комплексларның берсендәге төзелешкә рейд уздырган. Тикшерү барышында алар Бәйсез Дәүләтләр Берлеге илләреннән килгән һәм Россиядә законсыз нигездә булган һәм эшләгән 34 мигрантны ачыклаган.
Алар барысы да миграция законнарын бозган. Полиция хезмәткәрләре аларга карата административ беркетмәләр төзегән.
Хәзерге вакытта полиция эш бирүчеләрнең кайсысы мигрантларның документларын тикшермәгәнен ачыклый. Бу вазифаи затлар шулай ук административ җаваплылыкка тартылачак.