Чүпрәледә Вәлиулла Хәсәнов укулары узачак
27нче июльдә Чүпрәле районы Яңа Ишле авылы мәчетенең 30 еллыгына һәм имамы, Бөек Ватан сугышында катнашкан Вәлиулла Хәсәновка багышланган икенче фәнни-гамәли конференция үткәреләчәк. Бу хакта «Туган як» газетасы яза.
Әлеге чара Россиядә игълан ителгән Ватанны саклаучылар елы һәм Нәзарәт тарафыннан игълан ителгән Каһарманнар елы уңаеннан оештырыла.
Конференция һәм мәчет юбилее Яңа Ишле авылы мәчете янында ачык һавада үтәчәк. 09:00 сәгатьтә башлана, диелә хәбәрдә.